असे शब्द होते

*असे शब्द होते
तसे शब्द होते
जसा अर्थ घ्यावा
तसे शब्द होते*

*कुणा ना कळावे
खरे काय होते
असे मुक्त वेडे
तुझे शब्द होते*

*श्रवून जाहले ते
लिहून घेतले ते
जपून ठेवले ते
खुळे शब्द होते*

*जगी जाणकार
कुणी ही असू दे
कविता म्हणाया
खुजे शब्द होते*

*प्रतिभेस माझे
साष्टांग नमन
समजलेच नाही
कसे शब्द होते*

*अनुवाद व्हावा
जरा इंग्रजीत
मराठीत बहुदा
न हे शब्द होते*

*ऐकता वाचता
जाहलो "आडवा"
तरीही उरावर
उभे शब्द होते..